ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಒಂದು ವೀಡಿಯೊ ಭಾರೀ ವೈರಲ್ ಆಗಿದೆ. ಚೆನ್ನೈಯೊಂದರ ರೆಸ್ಟೋರೆಂಟ್ನಲ್ಲಿ ಊಟ ಮಾಡಿದ ನಂತರ ಬಂದ ಬಿಲ್ಲನ್ನು ನೋಡಿ ಎನ್ಆರ್ಐ (ವಿದೇಶದಲ್ಲಿ ವಾಸಿಸುವ ಭಾರತೀಯ) ಬಾಲಕ ಅಚ್ಚರಿಗೊಂಡ ಘಟನೆ ಇದಕ್ಕೆ ಕಾರಣವಾಗಿದೆ.
ವಿದೇಶದಲ್ಲಿ, ವಿಶೇಷವಾಗಿ ನ್ಯೂಜಿಲ್ಯಾಂಡ್ನಂತಹ ದೇಶಗಳಲ್ಲಿ ವಾಸಿಸುವ ಈ ಬಾಲಕ, ಭಾರತಕ್ಕೆ ಭೇಟಿ ನೀಡಿದಾಗ ತನ್ನ ಕುಟುಂಬದೊಂದಿಗೆ ಚೆನ್ನೈಯ ರೆಸ್ಟೋರೆಂಟ್ಗೆ ತೆರಳಿದ್ದ. ಅಲ್ಲಿ ಅವರು ಸುಮಾರು ಏಳು ವಿಭಿನ್ನ ಆಹಾರ ಪದಾರ್ಥಗಳನ್ನು ಆರ್ಡರ್ ಮಾಡಿದ್ದರು. ಊಟದ ನಂತರ ಬಿಲ್ ಬಂದಾಗ ಒಟ್ಟು ಮೊತ್ತ ಕೇವಲ ₹1,500ರಷ್ಟೇ ಇದ್ದುದನ್ನು ನೋಡಿ ಬಾಲಕನಿಗೆ ನಂಬಲಾಗದಂತಾಯಿತು.
ವೀಡಿಯೊದಲ್ಲಿ ಬಾಲಕ, “ನ್ಯೂಜಿಲ್ಯಾಂಡ್ನಲ್ಲಿ ಇದಕ್ಕೆ ಕನಿಷ್ಠ ಮೂರ್ನಾಲ್ಕು ಪಟ್ಟು ಹೆಚ್ಚು ಹಣ ಕೊಡಬೇಕಾಗುತ್ತದೆ” ಎಂದು ಹೇಳುತ್ತಾನೆ. ಈ ಪ್ರತಿಕ್ರಿಯೆಯೇ ಜನರ ಗಮನ ಸೆಳೆದಿದ್ದು, ಭಾರತದಲ್ಲಿನ ಆಹಾರದ ಬೆಲೆಗಳು ವಿದೇಶಗಳಿಗಿಂತ ಎಷ್ಟು ಕೈಗೆಟುಕುವಂತಿವೆ ಎಂಬುದನ್ನು ಮತ್ತೊಮ್ಮೆ ತೋರಿಸಿತು. ಎಂಬುದಾಗಿ ಕೆಲವರು ಕಮೆಂಟ್ ಮಾಡಿದರೆ , ಇನ್ನು ಕೆಲವರು ಭಾರತದ ದೇಶದಲ್ಲಿರುವ ನಿರೊದ್ಯೋಗ ಮತ್ತು ಬಡತನವನ್ನು ಮನಸ್ಸಿನಲ್ಲಿಟ್ಟು ಭಾರತದ ಬಡವರ್ಗಕ್ಕೆ 1500 ರೂ ಕೂಡ ದೊಡ್ಡ ಹಣವಾಗಿದೆ ಎಂಬ ಕಮೆಂಟ್ನ್ನೂ ಮಾಡಿದ್ದಾರೆ .
ಸಾಮಾಜಿಕ ಜಾಲತಾಣಗಳಲ್ಲಿ ಈ ವೀಡಿಯೊಗೆ ಸಾವಿರಾರು ಲೈಕ್ಗಳು ಮತ್ತು ಕಾಮೆಂಟ್ಗಳು ಬಂದಿವೆ. ಅನೇಕರು “ಭಾರತದಲ್ಲಿ ಆಹಾರ ಮಾತ್ರವಲ್ಲ, ಆತಿಥ್ಯವೂ ವಿಶೇಷ” ಎಂದು ಪ್ರತಿಕ್ರಿಯಿಸಿದ್ದಾರೆ. ಇನ್ನೂ ಕೆಲವರು ಭಾರತದ ವಿವಿಧ ವರ್ಗದ ಜನರ ಆರ್ಥಿಕ ವಿಚಾರಗಳು ಬೇರೆ ಬೇರೆಯದೇ ಆಗಿದ್ದು , ಇದು ವಿದೇಶಿಗರಿಗೆ ಸದಾ ಅಚ್ಚರಿಯಂತೆ ಕಾಣುತ್ತದೆ ಎಂಬುದಾಗಿ ಹೇಳಿದ್ದಾರೆ.
